ಕಣ್ಣು ಮುಚ್ಚಿದರೆ, ಕತ್ತಲು ಎನ್ನುವರು
ಬೀಳುವ ಕನಸುಗಳು ಸ್ಪಷ್ಟವಾಗಿ ಕಾಣಲು
ಬೆಳಕು ಒದಗಿಸಿದವರಾರು?
ಆ ಪಾತ್ರಗಳ ಸೃಷ್ಟಿಸಿದವರಾರು?
ಭೂ ಒಡಲಲ್ಲಿ ಅಂತರ್ಜಲ ಇಲ್ಲವೆನ್ನುವರು
ತೆಂಗಿನ ಒಡಲಲ್ಲಿ ಸಿಹಿ ನೀರ ಒದಗಿಸಿದವರಾರು
ಒಂದೇ ನೆಲ ಒಂದೇ ಜಲ, ಬಿತ್ತುವ ಬೀಜದೊಳು
ಸಿಹಿ ಕಾರವನಿತ್ತವನಾರು.?
ನೆತ್ತರು ಬಗೆದು,ಕುಡಿದು ನಡೆದಾಡುವ ಅಗಾಧ ಯೌವನಿಗ
ನಿನ್ನೆ ಕಣ್ಣಮುಂದಿದ್ದ, ಆ ಅಹಂನಿಂದ ಮೆರೆದಿದ್ದ.
ಇಂದು ಕಣ್ಣ ಮುಂದಿಲ್ಲ. ಆ ರೂಪು ಆ ಯೌವನಕ್ಕೆ ಶವ ಎನ್ನುತಿಹರು. ಆ ಜೀವ ಕದ್ದೋಯ್ದವನಾರು.?
ಇಂದು ಹುಟ್ಟಿ, ನಾಳೆ ಬೆಳೆದು,
ಮತ್ತೊಂದಿನದ ಸಾವಿಗೆ ಹೊಣೆ ಯಾರು?
ಪವನ ಕುಮಾರ ಕೆ ವಿ
ಬಳ್ಳಾರಿ 9900515957
