ಭಾವಾಲಿಂಗನದ ಲಹರಿ
ಪ್ರೇಮದಾ ಅಭಿವ್ಯಕ್ತಿಗೆ ಎಂದೂ
ದೇಹದ ಸ್ಪಂದನೆ ಮಾನದಂಡವಲ್ಲ..!
ಹೃದಯಾಂತರಾಳದ ಭಾವ ಲಹರಿಗೆ..
ಯಾರ ಅಪ್ಪಣೆಯೂ ಬೇಕಿಲ್ಲ!!
ಮೀರಾಳ ಭಕ್ತಿಯ ಪರವಶತೆಗೆ
ಆ ಕೃಷ್ಣನ ವೇಣುಗಾನವೇ ತೃಪ್ತಿ..!
ಶಬರಿಯ ಕಾಯುವಿಕೆಯ ತಪಸ್ಸಿನ ಪರಿಗೆ..
ಆ ರಾಮನ ದಿವ್ಯಾಗಮನವೇ ಶಕ್ತಿ!!
ಸತ್ಯದ ಪ್ರೀತಿಯ ನಿತ್ಯ ರೂಪಕೆ
ನಲ್ಮೆಯ ಭಾವಾಲಿಂಗನವೇ ಸ್ಪೂರ್ತಿ..!
ನೋವಿನ ಕುಲುಮೆಯಲಿ ನರಳಿದ ಭಾವಕೆ..
ಒಲುಮೆಯ ನೆರಳಿನ ಕಲ್ಪವೃಕ್ಷವೇ ದೀಪ್ತಿ!!
ಜ್ವಾಲಾಮುಖಿಯ ಜ್ವಲಿಸುವ ಭಾವವು
ಮುಗಿಲಿನ ವರ್ಷಧಾರೆಗೆ ತಣಿಯಿತು..!
ನಾಗನಂತೆ ಬುಸುಗುಡುತಿದ್ದ ಮನವು…
ಒಲವಿನ ಆತ್ಮದಾಲಿಂಗನಕೆ ಮಣಿಯಿತು!!
![](http://sahityamaithri.com/wp-content/uploads/2023/06/Sumana-Ramananda-2-4.jpg)
ಸುಮನಾ ರಮಾನಂದ