ಕನ್ನಡತೆ…
ಏರಿಸೋಣ ಬಾವುಟ
ಹಾರಿಸೋಣ ಪಟಪಟ
ಕನ್ನಡತೆಯ ಮೆರೆವ ನಾವು
ದೇಶ ದೇಶದಾಚೆಗೆ||
ನಡೆ ಕನ್ನಡ ನುಡಿ ಕನ್ನಡ
ನಮ್ಮ ಇರವು ಕನ್ನಡ
ನಮ್ಮ ಉಸಿರು ಕನ್ನಡ
ನಮ್ಮ ಹೆಸರು ಕನ್ನಡ||
ಜಾತಿ,ಮತದ ಬೇಧವಿರದ
ನುಡಿಯು ಅದುವೇ ಕನ್ನಡ….
ನಡೆನುಡಿಯ ಐಕ್ಯತೆಯ
ಭಾಷೆ ಅದುವೆ ಕನ್ನಡ…||
ಬನ್ನಿರಣ್ಣ ಬನ್ನಿರಿ
ತೋರಣವ ಕಟ್ಟುವಾ
ಕನ್ನಡದ ತೇರನೆಳೆದು
ನುಡಿ ಮಾಲೆಯ ಹಾಕುವಾ||
ಬನ್ನಿರಣ್ಣ ಬನ್ನಿರಿ
ನುಡಿ ಸೇವೆಯ ಮಾಡುವಾ
ನಾಡು ನುಡಿ ಭಾಷೆಯನ್ನು
ನಾವು ಕೂಡಿ ಬೆಳೆಸುವಾ||
ಮನೆಮನೆಯಲಿ
ಮನಮನದಲಿ
ಕನ್ನಡವ ಬಳಸುವಾ
ಕನ್ನಡದ ಕಂಪ ಹರಡಿ
ಕನ್ನಡತೆಯ ಮೆರೆಯುವಾ||
ಸುನೀಲ್ ಹಳೆಯೂರು
