ಜನುಮದ ಜೋಡಿ

Post Views: 154

ಜನುಮದ ಜೋಡಿ

ಪ್ರೀತಿಸಿದೆನು ಒಲವಿನ ಗೆಳತಿ ನಿನ್ನನು
ಮರೆತು ದೂರವಾದೆ ನೀನು ನನ್ನನು
ನೀಡಿದೆ ಪ್ರೀತಿಯ ಸಂಕೇತವಾಗಿ ಉಂಗುರವನು
ನದಿಯಲಿ ಎಸೆದೆ ಒಲವಿನ ಉಡುಗೊರೆಯನು

ಯಾರಿಲ್ಲದ ಊರಲ್ಲಿ ಪ್ರೇಮ ಲೋಕದಲಿ
ವಾರೆಗಣ್ಣಿನ ನೋಟದಲ್ಲಿ ಸೆಳೆದೆ ಕಣ್ಣಲಿ
ಮುಂಗುರುಳು ಸರಿಸುತ ಮಂದಹಾಸದಲಿ
ಒಪ್ಪಿಸಿ ಬಿಟ್ಟೆ ಪ್ರೀತಿಯನ್ನು ಸಾಯಂಕಾಲದಲಿ

ಪ್ರತಿವರ್ಷದ ಜನ್ಮದಿನಕ್ಕೆ ನಿನಗಾಗಿ
ಸಂಭ್ರಮದ ಆಚರಣೆ ಏರ್ಪಡಿಸಿದೆ ಪ್ರೀತಿಗಾಗಿ
ಮುತ್ತು ನೀಡಿ ಸಿಹಿಯ ತಿನಿಸಿದೆ ಗೆಳತಿಗಾಗಿ
ಕೊಂಚ ಬಿಡುವು ಮಾಡಿಕೋ ರೂಪಸಿ ನನಗಾಗಿ

ನನ್ನ ನಿಷ್ಕಲ್ಮಶ ಪ್ರೀತಿಗೆ ಮೋಸ ಮಾಡಿ
ಹೋದೆಯಾ ಗೆಳತಿ ತಿರುಗಿ ನೋಡಿ
ಒಪ್ಪಿಸಲೆ ಮತ್ತೆ ಪ್ರೀತಿಯನ್ನು ನಿನ್ನ ಕಾಡಿ
ಎಲ್ಲೇ ಇದ್ದರೂ ನೀ ನನ್ನ ಜನುಮದ ಜೋಡಿ

ಪ್ರೀತಿಗಾಗಿ ಮುಕ್ಕೋಟಿ ದೇವತೆಗಳ ಪ್ರಾರ್ಥಿಸಿ
ಮತ್ತೆ ಬರೆದೆನು ಪ್ರೇಮ ಪತ್ರವ ನಿನ್ನ ನೆನೆಸಿ
ದಯಮಾಡಿ ಪ್ರೀತಿಸು ಗೆಳತಿ ನನ್ನ ಕ್ಷಮಿಸಿ
ಮಡಿಯುವೆ ಪ್ರೀತಿಸದಿದ್ದರೂ ನಾ ನಿನ್ನ ಪೂಜಿಸಿ