ರವಿರಶ್ಮಿ

Post Views: 136

ರವಿರಶ್ಮಿ

ನಡುನೆತ್ತಿಯಲಿ ನಿಂತ ಸೂರ್ಯನ
ಪ್ರಭೆಯು ಭೂತಳವ ಹುಡುಕುತಿದೆ
ರವಿಕಿರಣದಾಟಕ್ಕೆ ನೆರಳಿನ ನರ್ತನ

ಹೊನ್ನ ನೇಸರನ ನೇರ ರಶ್ಮಿಯು
ಭೂ ಸ್ಪರ್ಷವ ಮಾಡಲು ಕೆಂಪಾಗಲು
ಇಳೆಯ ಒಡಲು ಹಸಿರಾಗುವುದು

ಎಳೆ ಹಸಿರ ಗಿಡಬಳ್ಳಿಗಳು ಕಡುಬಣ್ಣಕೆ ತಿರುಗಿ
ಭೂ ಒಡಲಾಳದ ಜೀವಜಲ ಗಗನ ಸೇರಿ
ಬಾನಲ್ಲಿ ಕರಿಮೋಡವು ಮೂಡುವುದು

ಇಳೆಯ ತಿರುಗಾಟದಿ ಚಂದಮಾಮನು
ಹಗಲಿರುಳು ಕ್ಷೀಣಿಸುತಲಿ ವೃದ್ದಿಸುತಿಹನು
ಪಕ್ಷಪಕ್ಷಕೂ ಕುಂದಿ ಬೆಳಗುತಿಹನು.

ದಿನವೂ ಕಾಣುವ ನೇಸರನು ಅದೇ ಸೊಬಗಿನಲಿ
ತಿರುಗಾಡುತಾ ಭೂಮಿಯ ಮೇಲೆ ಕೃಪೆಯಿರಿಸಿ
ಕಣ್ಣು ಮುಚ್ಚಾಲೆಯಾಡುವನು ಮೋಡಗಳಲಿ

ನೇಸರನಿದ್ದರ ಮಳೆ
ಮಳೆಯಿದ್ದರೆ ಇಳೆ….
ಇಳೆ ಮಳೆಗಳ ಒಡನಾಟದಲಿ
ಬೆಳೆಯುತಿಹೆವು ನಾವು ಬೆಳೆ.

ಸಿ.ಎನ್. ಮಹೇಶ್